أغنية - بدنا نعبي الزنزانات
روابط الأغنية
أغنية بعنوان بدنا نعبي الزنزانات لفرقة أبطال موسكو
كلمات الأغنية كاملة
بدنا نعبي الزنزانات
و بدنا نملّي المعتقلات
و بدنا نفضّي الروسيات
كرمال الأمة الأسدية
نحنا جنودك يا بشار
على صباطك نحنا غبار
لعيونك منهدّ الدار
انت الديموقراطية
مطرح ما بتمشي وبتدوس
نحنا منركعلك منبوس
رح ندعسلك كل مدسوس
متل وحوش البرية
بدنا نعبي ...................
نحنا اسودك لا تهتم
بدنا نعبي الساحة دم
الشغلة أبدا مو بالـ كم
نحنا عنا النوعية
بلا حرية بلا بطيخ
مؤامرة جاية من المريخ
ما عنا هندوس وسيخ
ولا عنا زردشتية
بدنا نعبي ...................
يا بو الجبين العالي
بفديك بروحي ومالي
و مشان عيونك يا غالي
أنا بدبح أهلي بشبرية
قال الله.. حرية وبس
رح نفرمهم متل الخس
كلن كم مليون مندس
ما بيشكلوا الأغلبية
بدنا نعبي ..................
بدونك نحنا منتبهدل
تطلع عكتافي وتتدندل
اعلامك ضرب المندل
كشف المجموعة السلفية
ارهابية مالون حل
مشانك درعا رح نحتل
لا منكلّ و لا منملّ
لتصير إبادة جماعية
بدنا نعبي ...................
اسمك بالعالي مرفوع
وصوتك للسما مسموع
لو شعبك مات من الجوع
رح ننتخبك أبدية
ما عنا رأي ورأيين
عنا نورك يعمي العين
انت يا كبيرنا يا زين
انت ملك البشرية
بدنا نعبي ....................
معلومات سريعة
تاريخ الأغنية
نوع الأغنية
فرقة
تصنيف الأغنية
كود الذاكرة السورية