أغنية - فاقد هويتي

تبين لنا فقط أن بتاريخ 19/08/2011 تم نشر الأغنية على منصة اليوتيوب هناك كأول جهة استناداً الى محرك البحث يوتيوب

https://www.youtube.com/watch?v=jrSQors5hXI

من عمر الزهر طلعت و من ايدين ولاد صغار

انكتب على الحيط جاييك الدور يا بشار

بدرعا الاولاد صاروا بالخيانة متهمين

و انسجنوا تحت الأرض وما حدا بيعرف وين

اهلون طالبوا فيهم استقبلوهم باذلال

اذا بدكم ولادكم جيبوا نسوانكم لعننا في كتيير رجال

اشعلوا نار الغضب و انوا تنطفا هذا خيال

الشعب صار صاحي الموت ولا المذلة يا أطفال

صحنا الثورة سلمية واجهونا بالرصاص

دم الشهداء و تراب الوطن واخترنا القصاص

قتلتوا الاطفال و النساء و قلتوا هالناس رخاص

قطرة دم من شهدائنا بتسوا كل أرواحكم يا انجاس

صحنا لا للطائفية و ضربتونا بمدفعية

قصفتوا الرستن بابا عمرو والزبداني والخالدية

سرقتوا و دمرتوا البلد و قلتوا مؤامؤة كونية

ولسا بتسألني ليش أنا بوطني فاقد الهوية

أنا غريب بوطني حسيت الهوية ضاعت

فهبيت مع الثورة لابحث عن الهوية الي انباعت

لاسترجع كرامتي لأ .. لأخدها بالغصب

لأول كلمتي لو بوجه الرصاص و الضرب

عاملتونا بعنصرية سكتنا و ما قلنا الآه

زمن الصمت وللا و الجلاد قاتلناه

بدك تقول عني طائفي قول اللي بدك ياه

انا اتنفست من هوا الحرية و ما عاد اقدر عيش بلاه

قدامنا دم كل طفل مات شهيد

رح ندفن الاستبداد و نحرر العبيد

النار لدمعة كل ام نزلت لابنها الوحيد

ما رح تقدر تحكمنا لا بالنار و لا بالحديد

من حمص المدينة اللي شمس الحرية فيها شرقت

المدينة اللي رصاصة فيها ضحكة الطفل انسرقت

المدينة اللي الدبابة فيها بيوت الناس انهدمت

المدينة اللي فيها الاحرا بوجه النار صمدت

ماشين على درب الثورة لحتى اخر نفس

داعيس على الأسد والشبيح بين ايدينا فطس

طالع ابحث عن حريتي طالع ابحث عن اللي مني طار

طالع اخد هويتي ولقيتها بثورة الاحرار

اخد هويتي يابا ما احلاها هين ضد الظالمين

ضد الظالمين حلم الشهداء يابا حلم من سنين

بدمانا نرضي يابا رب العالمين

على الشهداء يابا تدمع العين

على الشهادة دربا ماشين

حلم الشهادة يابا حلم من سنين

بدمانا نرضي يابا رب العالمين