أغنية - داريا الجريحة

بكرا الصبح جاية ..... و الليل ما بي ضل

داريا يا حكاية ..... منها الحلم بي طِل

مشي معي تنروح ... باب الفجر مفتوح

يا قطعة من هالروح ... دمعك وجع للكل

-------

بكرا المطر جاية ..... يغسل دمع العيون

داريا يا مراية ..... لدقّة قلب محزون

طهر الشتي ألوان ..... تردّ الوجع إنسان

يا بيدري العطشان ..... بكرا الروابي فِل

------

بكرا النصر جاية ..... و رح يكتب حكايات

داريا و الراية ..... منها و حلا الكلمات

بكرا عدرب العيد ..... كل نجمة تضوي شهيد

و الجنة قد ما تريد .... عنّا الفِدا ما مل