أغنية - باسل شحادة ماكان عنده مشكلة

كلمات: الشاعرة الدمشقية

ما كان عندو مشكلة ...... و لا خاف من دفع التمن

كمّل عدرب الجلجلة .......... حامل جروحك يا وطن

قربان بي مدبح وفا ........ شتّى على ترابَك دفا

لمّا السهل منّو اكتفى ..... مَيّلْ على جنّة عدن

------

من يوم ما نادى الفِدا ...... ما شاف غيرا بالمدى

من الشام لحمص ابتدى ... يرسم زمن غير الزمن

ما كان عندو مشكلة ..... و لا خاف من دفع التمن

كمّل عدرب الجلجلة ......... حامل جروحك يا وطن

-------

من تراب موجوع و بشر ..... لشاشات عم تنقل صور

بلحظات صار باسل خبر ... و تراب حمص اللي حَضَن

ما كان عندو مشكلة ..... و لا خاف من دفع التمن

كمّل عدرب الجلجلة ......... حامل جروحك يا وطن