أغنية - غياث مطر

كلمات: فري سيريا - المندسة

حـر وليد ,, من حـر شهيد ,,

انضم لـ الثورة ,, مولود جديد : غياث غياث مطر , و اللي خلف ما مـات ,,

رح تعيش يا غيوثـه ,,, مرفوع الراس ,, و تتباهى بـ ذكرى ابوك , بين الناس ,,

بـ ولادة غياث الصغير , و مع كل ابناء الشهداء , و ابناء الاحرار

سوريا ,, بكرى بـ خير

بالبيت المليان هموم ,,, فتّح ورد الجوري , زرار

غياث الحر انولد اليوم ,,, و من ريحة بيو , تذكار

يبكي , و مطر عيونو ضَي ,,

مشتآق , لـ غمرة هـ البَي ,,

لا تبكي , يا ابن الخَي ,,

بيّك صار بـ أعلى دار

______________________________

يا ولدي دمعاتك تجرح ,,, يللي في بـ قلبو احساس

عن خدك دمعاتك امسح ,,, رح تكبر مرفوع الراس

و كل ما تسمع اسمو تفرح ,,, بيك تاج من الالماس

بـ الجنة صار عندو مطرح ,,, و انت ح تكفي المشوار

_____________________________

يا ولدي الشمس مضواية ,,, ما بتتخبى بـ الغربال

حريتنا بكرى جايه ,, مهما ليل الظالم طال

و الثورة كتبت الحكاية ,, غياث زينة الرجال

لـ الحرية اسمو مراية ,,, و اسمك لـ الحرية غار