أغنية - آه لو هالكرسي بيحكي
روابط الأغنية
أغنية بعنوان آه لو هالكرسي بيحكي لأصالة نصري
كلمات الأغنية كاملة
آه لو هالكرسي بيحكي ... كان بيصرخ كان بيشكي
وبيتأفأف وبيتلوع ويمكن حتى ينوح ويبكي
هالكرسي عايف افطاسه .. ماحدا عم بيعبي راسه .. وكله بيتغنى بإحساسه
وبالحقيقة كله بيحكي
هالكرسي بيعمل عمايل .. بيعمل للأصلع جدايل .. بيخفي لصحابه الرزايل
بركي بيصحوا مرة بركي
عالكرسي صاحب معالي .. سيفه على شعبه بيلالي .. وبيعمل حاله نضالي
وبالمخفي عم يشرب وسكي
والي بيقعد ما بيتزحزح .. ما بيتحرك ما بيتلحلح .. وبأحلامه بيطير بيشطح
وبيقلك هالكرسي ملكي
ما بيتنازل عنه أبدا .. ما بيتخلى عنه أبدا .. وبيتمنى يضلو أبدا
مع أنو ما بيعرف يحكي
هالكرسي بطل يتحمل .. والباشا كل ماله بيتقل .. ولما الكرسي قالو ارحل
صار الباشا ينوح ويبكي
اه لما الكرسي بيحكي !
-------
الموال في نهاية الأغنية
كل الكراسي تكسرت .. من درسك تعلم
كل العلم ما بينفعك ...
والشعب بطل يسمعك
وكل القتل ما بينفعك .. كان فيك تتعلم
سكتنا كتير عالظلم ،
لاتقول ما عندك علم .. لما الجرح علم
بدي بصراحة انصحك ،
تبقى مارح تزبط معك .. لك روح وتعلم
شفلك حدا بيرضى القهر
ناسي الكرامة من دهر
نحنا انقهرنا والقهر ...خلانا نتعلم
معلومات سريعة
تاريخ الأغنية
نوع الأغنية
المغني
تصنيف الأغنية
كود الذاكرة السورية