كلمات: نائل حريري

لحن وعزف عابد ملحم، بالاستفادة من لحن أغنية "فاليري جسكار دستان" للشيخ إمام.

لا مسيرة ولا تأييد

هلأ الشعب يريد

لا مسيرة ولا تأييد

هلأ الشعب يريد

رح يسقط عصب عنو

ونصفي جديد بجديد

----

بكرا بعد القفلة

رح تخلص هالشغلة

نرتاح من الجوية

ومن هيمنة الدولة

ولا مين يشحط اخوانو

ولا ينزلو وينهانو

كلو يتبّت بمكانو

ويبقى كويس ومفيد

------

لا مسيرة ولا تأييد

هلأ الشعب يريد

رح يسقط عصب عنو

ونصفي جديد بجديد

------

كل واحد عندو قضية

رح يعرضها بحرية

ويحترم الرأي الأخر

وتصير العيشة هنية

ولا رح نزعل أو نغضب

ولا نتقاتل أو نعتب

ولا واحد فردو يسحب

ولا رح تنمد الأيد

لا مسير ولا تأيد

-----

لا مسيرة ولا تأييد

هلأ الشعب يريد

رح يسقط عصب عنو

ونصفي جديد بجديد

-----

ورح نصبح جمهورية

حلوة وديموقراطية

ونبطل هالمناظر

وننسى عهد الجوية

وصاحبنا البدو خلافة

رح يقنعنا بلطافة

والعلماني بحصافة

رح يتقبلها أكيد

لا مسيرة ولا تأييد

-----

لا مسيرة ولا تأييد

هلأ الشعب يريد

رح يسقط عصب عنو

ونصفي جديد بجديد