أغنية - حيا الله رجالك يا شام لـ بيان حوى

حيا الله رجالك يا شام

كلمات : المغتربة بيان حوى

أداء : الأخوين جعفر وعبد السلام حوى

دارت دورتها الأيام، وقامت ثوره بأرض الشام

الشعب السوري ما بينضام، ومابيرضى حكم الظُلام

واللي قالوا بالأحلام، يشوفوا الشعب وإصراره

----

من كل بيت وكل حارة هبت سوريا وثوارا

حيا الله رجالك يا شام وهالثورة الشعب اختارا

----

أعلنها سلمية، ثورة عز وحرية

من إدلب للاذقية، حماة وحمص العدية

ودير الزور الأبية، ودرعا الها الصدارة

----

من كل بيت وكل حارة هبت سوريا وثوارا

حيا الله رجالك يا شام وهالثورة الشعب اختارا

----

أقسمنا عهد ويمين، رايتنا النصر المبين

لا منركع ولا منلين، معنا رب العالمين

سوري مرفوع الجبين ودمه مايروح خسارة

----

من كل بيت وكل حارة هبت سوريا وثوارا

حيا الله رجالك يا شام وهالثورة الشعب اختارا

----

لو دبحوا منا الصغار وحاصرونا بحي ودار

رشونا برصاص ونار وعلو علينا الأسعار

لا لا ولله ما ننهار، هالثورة الشعب اختارا

----

من كل بيت وكل حارة هبت سوريا وثوارا

حيا الله رجالك يا شام وهالثورة الشعب اختارا

----

لو قلعوا منا العيون، وخلو عقلنا مجنون

نسيونا جوا السجون وقالوا أنو عم نخون

لا لا ولله ما منهون، الحرية الشعب اختارا

----

من كل بيت وكل حارة هبت سوريا وثوارا

حيا الله رجالك يا شام وهالثورة الشعب اختارا

----

حيوا معنا الجيش الحر، معنى الدم مع كاس المر

لا بكل ولا بفر، مع شعبه دهر وبالسر

يا بشار الجيش الحر، عمره مايخون دياره

----

من كل بيت وكل حارة هبت سوريا وثوارا

حيا الله رجالك يا شام وهالثورة الشعب اختارا