أغنية - الشعب السوري شو بدو
روابط الأغنية
أغنية بعنوان الشعب السوري شو بدو؟
معلومات أخرى
أغنية مظاهرة رددها أحد المتظاهرين خلال مظاهرة في مدينة معضمية الشام في ريف دمشق بتاريخ 29/07/2011.
كلمات الأغنية كاملة
الشعب السوري شو بدو
بدو إسقاط النظام
يا شعبي أنا معتوه بدي حقق مطالبكم
احكوا ما عمبسمعكم
الشعب السوري شو بدو …؟؟
بدو إسقاط النظام
هالنظام كتير منيح بس بدو شوية تصليح
احكوا بالعربي الفصيح
الشعب السوري شو بدو ..؟؟
بدو إسقاط النظام
أنا ما بقدر نام بشوف الشعب بالأحلام
أنا بخاف من الإعلام
الشعب السوري شو بدو ..؟؟
بدو إسقاط النظام
يا ماهر يا خيي هدي نحنا مو قد التحدي
ما بدي ارحل ما بدي
الشعب السوري شو بدو ..؟؟
بدو إسقاط النظام
يا ويلي شو هاي الثورة
قولي يا أختي يا بشرى
بكرا بيعدموني بكرا
الشعب السوري شو بدو ..؟؟
بدو إسقاط النظام
يا رامي هديلي بالي
عمامشي وحاكي حالي
رد عليي يا ابن خالي
الشعب السوري شو بدو ..؟؟
بدو إسقاط النظام
يا وزير الخارجية
طبقلي الصين وروسيا
غيرلي هالوش شوية
الشعب السوري شو بدو ..؟؟
بدو إسقاط النظام
يا وزير الداخلية
إلغي لي الخطة الخمسية والوزارة الاجتماعية
الشعب السوري شو بدو
بدو إسقاط النظام
يا وزير المالية .. وزير المالية وين شوف اللي قتل شبكين
طلعتلي هالثورة من وين
الشعب السوري شو بدو ..؟؟
بدو إسقاط النظام
يا بثينة ويا شعبان تعبان وجسمي ضعفان
احكيلي وقوليلي كمان
الشعب السوري شو بدو ..؟؟
بدو إسقاط النظام
قولوا لمفتي الجمهورية
يلغي الصلاة الجماعية
يلاقيلي فتوى شرعية
الشعب السوري شو بدو ..؟؟
بدو إسقاط النظام
وزير الإعلام واحكي على بندر وعلى خدام
حال الوضع مو تمام
الشعب السوري شو بدو ..؟؟
بدو إسقاط النظام
يا طالب الابراهيم عمتباري الجراثيم
ما عمينفع التعقيم
الشعب السوري شو بدو ..؟؟
بدو إسقاط النظام
وينو البوطي هالخرفان
ابعتولوا كيلوا كباب
قولولوا يعمل الحجام
الشعب السوري شو بدو
بدو إسقاط النظام
يا أسماء .. ساوي نفس أركيلة
بدي لاقي شي حيلة
والشعب السوري شو بدو ..؟؟
بدو إسقاط النظام
عمبرن التلفون
عمتي بتقلي بان كي مون
اسما قولي لا مو هون
الشعب السوري شو بدو ..؟؟
بدو إسقاط النظام
عمدق بان كي مون
اسما قولي لا مو هون
الشعب السوري شو بدو ..؟؟
بدو إسقاط النظام
خبري الأجهزة الأمنية والشمال وكل سوريا
وحماة وحمص واللادقية
الشعب السوري شو بدو ..؟
بدو إسقاط النظام
يا ماما الشعب بثور
حماة وحمص ودير الزور
الشعب السوري شو بدو
بدو إسقاط النظام
خبرو الأجهزة الأمنية بالشمال وكل سوريا
حماة وحمص واللادقية
الشعب السوري شو بدو
بدو إسقاط النظام
معلومات سريعة
تاريخ الأغنية
نوع الأغنية
تصنيف الأغنية
كود الذاكرة السورية