انتاج: فجر الشام الفنية

أداء:

عبيدة السوطري

يا إمك ضلك قبالي

حلوة متل البدر العالي

بعمري ما شفت بجمالا

برقة حسنا ودلالا

لا بأحلامي وبخيالي

يا إمي ولله حبيتا

دخلك دليني على بيتا

أو روحي اخطبيلي ياها

سحرني يا إمي عطرا

يقبرني حسني وبهاها

قالتلي امي يا ابني

هيدي حلوي ومهرا غالي

وجبينا وضاح وغالي

وشوف عيونا وما أحلاها

والحسن بوجا بلالي

يا ابني هيدي الحرية

وأمها سوريا الأبية

لما حكمونا البعثية

حبسوها وكتموا أنفاسا

ما خلوها ترفع راسا

غابت عنا سنين طويلة

كانت عالأحرار تقيلة

لما سجانا وحراسا

موتوا فينا إحساسا

هانوا أما وأهلا وناسا

وكانت مسجونة لحالا

زنزانة ما أصعب منالا

من لما ثاروا أبطالا

صحوها وكسروا أغلالا

ألف الحمدلله ونيالا

يا إمي والله ما عرفتا

لأنَّي بعمري ما شفتا

وما عرفت خيا ولا خيتا

ولا بأي حارة لقيتا

بس بتعرف إني حبيتا

كرمالا لهالصبية

كرمال سوريا الأبية

كرمال عيونك يا إمي

كرمال بيي وخالي وعمي

رح ندفع مهرا من دمي

بس بدي وصيها وصية

وصية شهيد الحرية

كل قطرة دم من جروحك

تزرعها وردة جورية

تفتح عتلة سورية

وإذا ما كفاها دمي

خليها تاخد من روحي

تزرع وردات الحرية

عتراب الأرض السورية

لأنا أغلى من روحي