كلمات شامي حر أصيل

سألوني أنت من وين ... قلتلهم ابن الثورة

بلدي مصنع للأبطال ... وصارت برجالا حرّة

كتبت تاريخا من جديد ... وعدّت السنين المرّة

صنعت إعجاز بأيام ... وعملت الطاغي عبرة

من ليلا الفجر انبزغ ... وصارت للأمّة درّة

سوريّة بلد الأشراف ... وهيّة للعرب نصرة

............................................

أنتي أرض الكنانة ... وأنتي للأمة الأمان

وحرّيتك أغلى ثمن ... حتى تعمر هالأوطان

هزيتي عروش كتيرة ... من صهيون لأصفهان

شامك حرّة من يوما ... زكّاها الهادي العدنان

شعبك من ربّو طلب ... العزّة وبقلبو الإيمان

مولانا أنت المدد ... وأنت ناصر كل إنسان

.................................................

لبّانا ربّ الأرباب ... وكشف الأمل بعزّ الضهر

من رحم الثورة انولد ... جيشك يا سوريّة الحرّ

درأ الفتنة بالبلد ... وحمانا والله من الغدر

أحرار الجيش الأبرار ... خلّو الغادر يدوق المر

ضحّوا بدمّون وحياتون ... وكانوا لانتصارك سرّ

يا ربي تنجّي الفرسان ... وتحميهن من كل الشرّ

................................................

والشعب طلب الحرّية ... نادى للباري القهّار

واللّي بيطلب من القدير ... نصرو بيتكلل بالغار

يا الله ويا جبّار ... تبعد عن سوريّة النّار

تحمي رجالا ونسوانا ... من نظاما هالغدّار

نظاما والله بفعلو ... تاريخو انختم بالعار

خاين وبيقتل شعبو ... الحضارة عندو الدّمار

(وأحرارك عملوا عهد ... بحرّيتك يكملوا المشوار )