أغنية - قالولي

كلمات : ظافر الصالح الصدقة

حال المهجرين و المعتقلين مع كورونا

قالولي ابقى بالبيت

هزيت براسي و غصيت

شو بقلن بكيو الكلمات

يا عالم ماعندي بيت

.....

بيتي الكان كبير تهدم

بشكر ربي اللطف وسلم

بالخيمة مداري و متداري

و كيف أحوالي الله بيعلم

....

قالوا نام مليح تغذى

و أعصابك إياك تهزا

حاضر رح حاول لكني

مو قادر و فهمت المغزى

.....

لا تصافح شو سهلة الوصفة

بعد متر ونص و نتفة

شو منعمل بسجون الظالم؟!

كل ميتين انجمعوا بغرفة !!

......

خلي الدنيا تشد و تقسى

بلكي الخلق بيرجع حسا

كم طفل تيتم بحروبن

يلي تيتم كيف بينسى ؟؟؟