كلمات ظافر صالح الصدقة

غناء وألحان : فراس إمام

لا تطلع خليك ببيتك

يمكن تحمل ها لفيروس

بقدّر نصحك شو حبيتك

مشكور وكلك ناموس

يا ناصحني كون محلي

و قلي شو رح تعمل قلي

برادك عامر تتهنى

برادي تعود عالقلة

ممنون الحاول إرشادي

هوي بوادي و نحنا بوادي

لو ما بطلع أسعى برزقي

بكرا رح بيجوعوا ولادي

صرلي من أعوام مهجر

دخل صغير و بيت مأجر

بكرا لما يقلي ادفعلي

فهمني كيف بتدبر

لا نيّالي ولا نيّالك

شاغلني اللي شاغل بالك

لو منّك ما بترك داري

بترجّاك تظل بدارك

.. لا تطلع .