راب - ليك

اغنية تم تصويرها في ادلب خلال شهر 07/2020 في الشمال السوري المحرر ضد النظام السوري وجرائمه من قتل و نهب وتجويع الشعب السوري في ظل قانون قيصر "سيزر" ودعماً للانتفاضات المطالبة بالحرية واسقاط النظام السوري من جميع المحافظات السورية التي تسيطر عليها مليشيا أسد

نحنا بذور ما بتموت عشق الثورة زهر فينا

قد ما ضربت رصاصك وقمعت مظاهرات

نحنا النور بهالدروب مال وسلطة ما بيغرينا

قد ما تحاول تدفع ناس تطبق مسيرات

ليك.. ضب كلابك رد المال خود نظامك زت رحال

مانك دايم استحال دوام الحال

ليك.. خود محتلينك وطلاع هاد الشعب كلو سباع

ف بياكل حكاموا لو جاع

مسيك.. بعصة بوجهك هيك.. انت وعائلتك

زيت.. بنار الحرية ما بينفعك جيش

ولاك ليك.. رصاصك حطو فيك انا القادم من ركام

روح شيل الايراني من ارضك بعدا تعا نزيل

بلاع زيف.. خطاباتك انت ونوابك لولا الروسي

رجالك ما شالوا روسية وبوتينك خرطشها فيك

ليك.. ما منسمح لابن بيك يقلنا تحملوا الجوع

بصمود وهو داير بأفخم سيارة وبيت

طيف النصر لامع من ساحات الشرف

ومنتظاهر صبح وليل

وين ما تطلع حتلاقي الناس بترجم فيك

بكرا جاية يوم وكلابك تعوي عليك

نحنا أسياد الشوارع نحنا عشاق الحرية

ما رح تردعنا مدافع ولا قوافل ايرانية

ولا اسراب العمائم من الجامعة التدمرية

يلي انبعتت على الثورة بس لتشوه القضية

من قلب ادلب هون سويدا ودرعا والعدية

هون الرقة هون الدير هون الصرخة الدمشقية

هون بلاد الشام بكل الطوائف العرقية

كلون لعنوا روح الوالد فبتاخد اصبعنا دية

ولاك ليك.. ما منتراجع لنثأر لكل شهيد

والمصاري بالبنوك الي انسلبت من كل فقير

وكل ارملة ويتيم و نرد المعتقلين

وكل طفل وكل خيمة وكل نازح بتهجير

فتسقط كل الحكومة والحكومة يلي بعدا

تسقط كل الجمهورية من قصرك لقصر بعبدا

تسقط كل الحيادية والفصائل البعتتا

نحن الشعوب الثورية الي بتقوى كل ما ردعتا

ليك..

نحنا بذور ما بتموت عشق الثورة زهر فينا

قد ما ضربت رصاصك وقمعت مظاهرات

نحنا النور بهالدروب مال وسلطة ما بيغرينا

قد ما تحاول تدفع ناس تطبق مسيرات