قصيدة - نادينا اللي ناديناه
روابط الأغنية
قصيدة بعنوان نادينا اللي ناديناه للشاعر يوسف الوادي
معلومات أخرى
لـ الشاعر يوسف الوادي
كلمات الأغنية كاملة
نادينا اللي ناديناه
نادينا اللي ناديناه
نادينا وا معتصماه
نادينا والدم يفرفر
نادينا والكل يتصور
قالولنا الله أكبر
ما إلكم غير الله
نادينا حرية وبس
يا الشعب الحر تنفس
صار الشعب بكل أطياف
وإرهابي وسلفي ومندس
جابوا الدبابات وصرنا
جابوا الدبابات وصرنا
برصاصو الحي نتقوص
يا عم إلنا الله ينقذنا من الحال إياه
نادينا يا ولاد العم
اغرقنا ببحر من الدم
اغرقنا من الصمت العربي
وإعلام من الصنف السلبي
والعالم عينو مرضوضة
والشاهد كلمة مرفوضة
وقوات الأمن المبغوضة
تطرشنا برصاص وسم
قوات الأمن المبغوضة
تطرشنا برصاص وسم
قطب لجروحي يا عم
وأشلائي من الشارع لم
وسلمني بإيدك لله
وادعيلي يرحمني الله
نادينا وقلنا يا رب
سلمية وعملوها حرب
وساوونا عملاء الغرب
إحنا الشعب كل الشعب
راحت إيَّامك يا ذل
راحت إيَّامك يا ذل
يا مجرم ارحل .. ارحل
الشعب السوري منك مل
يا دنيا شو فيكي خوف
حطيه بعبو ولا يشوف
قديش بيخزى وبينذل
يا دنيا شو فيكي خوف
حطيه بعبو ولا يشوف
قديش بيخزى وبينذل
الله أكبر الله
ثورتنا بيرعاها الله
هي لله هي لله
لا للسلطة ولا للجاه
نادينا المجتمع الدولي
ونادينا أحرار الأمة
ونادينا حقوق الإنسان
والدول الصغرى والعظمى
نادينا وما في آذان
تسمعنا وتفهمنا يمَّا
الموت اللي محاصرنا سنين
أصبح جرعة موت كتير
وصرنا ندفع دم كثير
كل شارع في صرخة ولمة
يا اهل النخوة والأشراف
جرحى وقتلى بكل أطراف
هاتوا نقالة وإسعاف
ذبحونا اللي ما فيهم رحمة
هالجرحى بالساحة زحمة
ذبحونا اللي ما فيهم رحمة
هالجرحى بالساحة زحمة
مين أخوهم مين أبوهم
مين خاله مين عمه
مازلنا بإصرار نقول
ما بدنا أنصاف حلول
سوريا وحرية وبس
ويا حاقد حقدك بزول
والوطن الغالي ولله
بعزم وإيمان بنفداه
ما منركع إلا لله
الله أكبر الله
معلومات سريعة
تاريخ الأغنية
نوع الأغنية
تصنيف الأغنية
كود الذاكرة السورية